Qaraǵandy mańynda zańsyz qoqys tógýshiler ustaldy

QARAǴANDY. QazAqparat – Qaraǵandy qalasynyń mańynda zańsyz qoqys tógýshiler ustaldy. Bul derek Ekologııa mınıstrliginiń jýyrda iske qosylǵan jedel jelisi arqyly anyqtaldy, dep habarlaıdy QazAqparat.

Jol boıyna qoqys tógip jatqan júk kóligin, sol mańnan ótip bara jatqan ózge júrgizýshiler beınetaspaǵa túsirip alǵan. Keıin kóliktiń memlekettik nómiri jazylǵan vıdeony «jedel jelige» joldaǵan. Іzinshe sol kúni zańbuzýshy anyqtalyp, oǵan aıyppul salyndy.

Qaraǵandy qalalyq polıtsııa bólimshesiniń qyzmetkerleri QR ÁQBK 505 (Qalaly jáne aýyldy jerderde abattandyrý erejesin saqtamaý, ınfroqurylym nysandaryna zalal keltirý, jasyl ósimdikterdi joıý jáne zaqym keltirý) baby boıynsha hattama toltyrdy.

Sondaı-aq, zańsyz qoqys tógilgen orynǵa ekologııa departamenti men turǵyn úı sharýashylyǵy mamandary baryp, qoqystardy tolyǵymen tazartty.

Esterińizge sala keteıik, jedel jeli telefony bir apta buryn iske qosylǵan bolatyn. Endi Ekologııa mınıstrirligi bir aı boıy elimizdegi barlyq zańsyz qoqys tógý oryndaryna monıtorıng júrgizbek. Jedel jeliniń nómiri [phone].