Qaraǵandy qalasynyń shekarasyn keńeıtý josparlanyp otyr
10:24, 16 Shilde 2023
ASTANA. QazAqparat – Buqar jyraý aýdanynyń 281 gektar jerin qosý arqyly Qaraǵandy qalasynyń shekarasy ulǵaıýy múmkin, dep habarlaıdy QazAqparat tilshisi.
«Qazaqstan Respýblıkasy Úkimetiniń kelisimi boıynsha Qaraǵandy qalasynyń ákimshilik-aýmaqtyq shekarasyna Buqar jyraý aýdany jeriniń 281 gektar bóligin qosý arqyly Qaraǵandy oblysy Qaraǵandy qalasy men Buqar jyraý aýdanynyń ákimshilik-aýmaqtyq shekaralary ózgertilsin», - delingen Ashyq NQA portalynda jarııalanǵan ákim qaýlysy men qalalyq maslıhattyń birlesken sheshiminde.
Qujat 26 shildege deıin kópshilik talqylaýda bolady.
Buǵan deıin habarlaǵanymyzdaı, Kaspıı teńizi akvatorııasynyń bastapqy syzyǵy arasyndaǵy jerdi qosý esebinen Mańǵystaý oblysynyń shekarasy keńeıtilgen edi.