Qaraǵandy qalasyna keletin sheteldikterden qansha týrıstik jarna alynady

ASTANA. QazAqparat – Qaraǵandy qalalyq máslıhaty shaharǵa saparlap keletin sheteldikterden alynatyn týrıstik jarna mólsherin bekitýdi usyndy, dep habarlaıdy QazAqparat tilshisi.

«Qaraǵandy qalasynda sheteldikter úshin týrısterdi ornalastyrý oryndarynda (hostelderdi, qonaqjaılardy, jalǵa beriletin turǵyn úılerdi qospaǵanda) bolǵan árbir táýlik úshin 0,5 aılyq eseptik kórsetkish (1 725 teńge) mólsherinde bekitilsin. Osy sheshim alǵash resmı jarııalanǵannan keıin kúntizbelik on kún ótken soń qoldanysqa engiziledi», - delingen Ashyq NQA portalynda jarııalanǵan Qaraǵandy qalalyq máslıhatynyń sheshim-jobasynda.

Qujat 4 qyrkúıekke deıin kópshilik talqylaýda bolady. Keıin maslıhat tóraǵasy qol qoıǵan soń 10 kún ótip baryp, zańdy kúshine enedi.

Qosa ketsek, taıaýda Almaty qalasynda da sheteldikter úshin jańa týrıstik tólem mólólsherin belgileýdi usynǵan bolatyn.