Qaraǵandy haıýanattar baǵyndaǵy jylqy adamdardy jaraqattady
Oqıǵa keshe keshki altynyń shamasynda bolǵan. Balalardy arbamen serýendetetin at baılaýly turǵan jerinde áýe sharlarynan úrkip, jaqyn mańda demalyp otyrǵan adamdarǵa sekirgen. Haıýanattar baǵynda habarlanǵandaı, oqıǵa saldarynan er adam men onyń eki balasy jaraqat alyp, jubaıynyń aıaǵy men arqasy jaraqattanǵan.
Haıýanattar baǵynyń qyzmetkerleri 5 jyl ishinde bul jylqy eshýaqytta mundaı minez kórsetpegenin aıtady. 8 jastaǵy at árdaıym jýastyǵymen erekshelengen. Alaıda, keshe ol jelpildegen áýe sharlarynan qatty úrkip, dúrbeleńge salynyp, janynda turǵan kúrkege sekirgen.
«Bul jaǵdaı jumys kúni aıaqtalyp qalǵan kezde oryn aldy. Jylqy baılaýly turǵan. Osy kezde onyń janynan shar ustaǵan bala ótip bara jatqanda, qatty jel uıytqyp, sharlar atqa qaraı ushqan. Sodan úrkigen jylqy, baılanǵan arqandy úzip, jaqyn jerde turǵan kurkege qaraı shapty. Onda bir otbasy demalyp otyrǵan edi. Olar jeńil jaraqat aldy. Biz jedel járdem shaqyrdyq, sodan keıin olardy aýrýhanaǵa apardyq», - deıdi Qaraǵandy qalasy haıýanattar baǵynyń tuıaqtylar bóliminiń basshysy Erbol Ǵabdýllın.
Zardap shekken otbasyna medıtsınalyq kómek kórsetilip, ambýlatorııalyq emdelýge jiberildi.
Haıýanattar baǵynyń qyzmetkerleri kelýshilerden sharlar ákelmeýdi suraıdy. Zoobaqtyń aýmaǵynda olardy satýǵa tyıym salynǵan. Alaıda balalar men ata-analar áýe sharlaryn ózderimen birge alyp keledi eken.
«Biz haıýanattar baǵyna kelýshilerden sharlardy ózderimen birge alyp kelmeýin suraımyz. Ne degenmen, bul janýarlar. Olar óte úrkek bolady jáne ár sybdyrdan qorqýy múmkin», - dep qosty Erbol Ǵabdýllın.
Sondaı-aq, haıýanattar baǵynyń ókilderi ıppodrom jumysyn bastaǵanǵa deıin jylqylarmen serýendeýdi ýaqytsha toqtatqanyn habarlady. Onyń qurylysy aıaqtalý satysynda.