Qaraǵandy haıýanattar baǵynda eki jolbarys dúnıege keldi
Qaraǵandy haıýanattar baǵynda jolbarystar juby qalyptasty. Batyr jáne Mıa esimdi jolbarystarda 2 kúshik paıda boldy.
«Batyr bizde birneshe jyl ómir súrip keledi. Biz ony 2020 jyly jeke haıýanattar baǵynan satyp aldyq. Bir jyl buryn bul jup bir-biriniń ıisin seziný úshin kórshi qorshaýlarǵa otyrǵyzyldy. Olar bir-birin kórip, úırenip ketýi úshin eki voler arasyndaǵy qorǵaý alynyp tastaldy. Bir jyl ishinde olar dostasyp ketti. Sodan keıin bizdiń Mıa ana atanýǵa daıyn bolǵanda, biz ótken jyly qysta, osy jyldyń basynda olardy biriktire bastadyq. Olar bir-biriniń qorshaýyna kirip, bir-birine qonaqqa bara bastady. Jolbarystar arasynda súıispenshilik paıda bolyp, olardyń qarym-qatynasynyń nátıjesinde maýsym aıynyń basynda kúshikter paıda boldy. Biraq biz olardy eshkimge kórsetpedik,olar ınkýbatsııalyq kezeńde boldy», - deıdi haıýanattar baǵynyń dırektory Gúlnar Adambekova.
Jolbarystyń kúshikteri áli laktatsııa kezeńinde, olar ana sútimen qorektenedi. Jolbarystyń anasy Mıa kúsheıtilgen dıetada. Biraq haıýanattar baǵynyń qyzmetkerleri aıtqandaı, qazir óte ystyq kúnderdiń saldarynan Mıa da, balalar da kóp tamaqtanbaıdy. Sondyqtan olardyń dıetasyna qosymsha birinshi sanattaǵy maıdalap týralǵan et engizildi. Jolbarystarǵa súıegi bar et beriledi, osylaısha olar tis qýysyn damyta alady, deıdi zoo mamandar.
«Aldymen biz olarǵa qosymsha sý quıylǵan ydystar qoıdyq, Mıa balalaryn sol jerde shomyldyrdy. Biz kúshiterdi jaýyp tastadyq jáne olardy adamdardyń balalary sııaqty qyryq kún boıy kórsetpedik. Sodan keıin biz basseındi toltyrdyq. Mıa olardy únemi qadaǵalap otyrady, tamaqtandyrady, kúnine birneshe ret muqııat ózi shomyldyrady», - deıdi haıýanattar baǵynyń dırektory.
Haıýanattar baǵynyń veterınarlary anyqtaǵandaı, bul – urǵashy jáne erkek jolbarys.