Qaraǵandy geohımııa zerthanasy 40 myń geologııalyq synamaǵa zertteý júrgizdi

QARAǴANDY. QazAqparat - Sáýir aıynda Qaraǵandy qalasynda «ALS Qazgeohımııa» zerthanasy ashylǵan bolatyn. Munda nátıjesin álemdik qarjy ınstıtýttary moıyndaıtyn halyqaralyq standarttarǵa saı zerthanalyq-taldamalalyq zertteýler júrgiziledi, dep habarlaıdy QazAqparat.

Ekologııa, geologııa jáne tabıǵı resýrstar mınıstrliginiń málimetinshe, buryn Qazaqstan geologııalyq synamanyń álemdik standartqa saı nátıjelerin alý úshin sheteldik ortalyqtarǵa júginetin. Sáıkesinshe ol uzaq ýaqyt pen úlken qarajatty talap etetin.

Qazirgi ýaqytta otandyq zerthanada 31 qyzmetker jumys isteıdi. Jaqyn ýaqytta shtatty ulǵaıtý josparlanǵan.

Búgingi tańda laboratorııanyń synama daıyndaý jáne probırka daıyndaý bólimderi jumys istep tur.

2020 jylǵy shilde men jeltoqsan aılary aralyǵynda 40 myńǵa jýyq synamaǵa zerthanalyq-taldamalar júrgizildi.

Zerthananyń artyqshylyqtary retinde ondaǵy zamanaýı jabdyqtarmen jáne ozyq tehnologııalarmen óńdeýdiń joǵary jyldamdyǵyn, GEMS (LIMS) synamalaryn baqylaý ári tirkeýdiń avtomattandyrylǵan júıesin atap ótýge bolady. ALS taldamalarynyń keshendi quny básekelesterinen áldeqaıda tómen.

Munda 20-dan astam zertteý ádisi paı̆dalanylady. Zerthananyń jabdyqtar kesheni bıyldyń ózinde ónimdiligi táýligine 1200 synamany quraı̆tyn 30 elementti anyqtaýǵa múmkindik beredi.

Zerthanany «ALS KazLab» JShS men «Qazgeologııa» AQ birlesken joba retinde júzege asyryp otyr.

Nysan «Ult jospary – 100 naqty qadamyna» sáıkes QR Ekologııa, geologııa jáne tabıǵı resýrstar mınıstrligine qarasty «Qazgeologııa» ulttyq geologııalyq barlaý kompanııasynyń» 2016-2025 jyldarǵa arnalǵan damý strategııasy aıasynda jumysyn bastady.

Qazir akkredıtteý úshin qajetti jumys júrgizilip jatyr.

Jospar boıynsha qazaqstandyq akkredıtatsııa 2021 jyldyń 1 jartyjyldyǵynda, halyqaralyq akkredıtatsııa 2021 jyldyń sońynda alynýy tıis.