Qaraǵandy farmkesheninde qosymsha 1,7 mln vaktsına óndirildi

NUR-SULTAN. QazAqparat – Qaraǵandy farmatsevtıka kesheninde Spýtnık V vaktsınasynyń qosymsha 1,7 mln dozasy óndirildi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Halyqty koronavırýsqa qarsy vaktsınatsııalaý jalǵasyp jatyr. Búginde shamamen 3 mln vaktsına dozasy qoldanyldy. Onyń ishinde 1 komponentpen 2 015 053 adam ekpe aldy. Bul halyqtyń ekpe alýy tıis sanatynyń 20 paıyzyn quraıdy. Ekinshi komponentpen 949 802 adam qambyldy», - dedi Alekseı Tsoı.

Onyń atap ótýinshe, búginde ekpe salý pýnktterinde vaktsına dozasy jetkilikti. Atap aıtqanda, shamamen 320 myń birinshi komponent, 650 myń ekinshi komponent bar.

«Buǵan qosym, Qaraǵandy farmatsevtıka kesheni Spýtnık V vaktsınasynyń qosymsha 1,7 mln dozasyn óndirdi jáne kestege sáıkes óńirlerge jetkiziletin bolady», - dedi Densaýlyq saqtaý mınıstri.