Qaraǵandy ekonomıkalyq ýnıversıtetinde Joldaýdyń negizgi baǵyttary talqylandy

QARAǴANDY. QazAqparat – Búgin Qaraǵandy qalasyndaǵy Qaztutynýodaǵy Qaraǵandy ekonomıkalyq ýnıversıtetinde «Qazaqstan Respýblıkasynyń Konstıtýtsııasy – azamattyq qoǵam men memlekettilik turaqtylyǵynyń quqyqtyq negizi» atty halyqaralyq ǵylymı konferentsııa ótti.

QR Konstıtýtsııalyq Keńesimen birlese uıymdastyrǵan konferentsııada Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttary talqylandy, dep habarlaıdy QazAqparat.

Atap aıtqanda jıyn barysynda sot jáne quqyq qorǵaý júıelerin reformalaý máseleleri talqylandy. Taqyryp tóńireginde konstıtýtsııalyq qundylyqtardy ómirge barynsha engizýge járdemdesetin Konstıtýtsııalyq Keńes qyzmetine meılinshe kóńil bólindi.

«Konstıtýtsııa - quqyqtyq júıeniń shyńy jáne qoǵam damýynyń irgetasy. Halyqtyń bılik pen egemendiktiń jalǵyz kózi retinde erkin tańdaýy Konstıtýtsııa onyń sózsiz zańdylyǵyn qamtamasyz etti. Adamdar bul tarıhı tańdaýdy óz eli úshin, ózi, otbasy, balalary úshin, qazirgi jáne Qazaqstan bolashaǵy úshin jasady», - dep atap ótti jıynda sóz sóılegender.

Konferentsııa jumysyna memlekettik, atqarýshy organdar, qoǵamdyq uıymdar, stýdentter, ǵylymı qoǵam ókilderi qatysty. Olardyń arasynda Konstıtýtsııalyq Keńesiniń músheleri, Joǵarǵy Sotynyń, oblys prokýratýrasynyń, ádilet departamentteri men polıtsııa departamentiniń ókilderi de bar.