Qaraǵandy-Balqash jolyndaǵy jóndeý jumystary 2023 jyly aıaqtalady

ASTANA. QazAqparat – Premer-Mınıstrdiń birinshi orynbasary Roman Sklıar «Qaraǵandy-Balqash» jolyn salý jumystary qashan aıaqtalatynyn aıtty, dep habarlaıdy QazAqparat tilshisi.

«Biz tıisti jospardy túzettik, alaıda qarjylandyrýǵa qatysty másele bar. Respýblıkalyq joldar respýblıkalyq bıýdjetten jáne nesıe esebinen qarjylandyrylady. Bul jobaǵa qatysty josparǵa ózgeris engizilip jatyr. «Qaraǵandy-Balqash» jolyn qaıta salý 2018 jyly bastalyp, aıaqtalatyn merzimi 2023 jylǵa josparlanǵan. Merdigerler jobany túzetýdi aıaqtady, endi ony Indýstrııa jáne ınfraqurylymdyq damý mınıstrligi qarastyryp jatyr», - dedi R. Sklıar Senattaǵy parlamenttik tyńdaýda,

Budan buryn habarlanǵandaı, byltyr kúzde senatorlar Premer-Mınıstr Álıhan Smaıylovtyń atyna avtomobıl joldaryn jańǵyrtý máseleleri týraly saýal joldady.

Osy oraıda «Qaraǵandy-Balqash» tas jolynyń qurylysyn qarjylandyrý máselesi kóterildi.