Qaraǵandy attraktsıonyndaǵy kisi ólimi: Nusqaýshyǵa shyqqan úkim jeńildedi

QARAǴANDY. QazAqparat - Qaraǵandy qalasynyń Qazybek bı aýdandyq soty Shahtınsk qalasynyń 34 jastaǵy turǵyny qaza tapqan «roýmpdjampıng» attraktsıonynyń nusqaýshysynyń úkimin ózgertti, dep habarlaıdy QazAqparat tilshisi.

Qaraǵandyda bıikten sekirýdi uıymdastyrǵan «Fly Kazakhstan» fırmasynyń nusqaýshysynyń jazasy jeńildedi.

Jeńildetý tek kolonııa rejımine qatysty, jazany óteý merzimi ózgerissiz qaldy.

«Qazybek bı aýdandyq sotynyń 2022 jylǵy 1 tamyzdaǵy M-ǵa qatysty úkimi ózgertilsin, ıaǵnı jazasyn qylmystyq-atqarý júıesiniń eń tómengi qaýipsizdik mekemesinde ótesin», - delingen sot qaýlysynda.

Esterińizge sala keteıik, 2021 jyly 10 qazanda 33 jastaǵy Evgenııa Leonteva «Sozvezdıe» qonaq úıiniń tóbesindegi roýmpdjampıng attraktsıonyna baryp, bıikten sekirgen bolatyn.

Alaıda, durys bekitilmegen symnan ol beton qorshaýǵa qulap, aýrýhanada qaıtys boldy.

Bul is boıynsha 2022 jyldyń tamyz aıynda sot nusqaýshyǵa úkim shyǵarǵan bolatyn.

Ol Qylmystyq kodekstiń 306-baby 3-bóligi boıynsha sottaldy.

Qazybek bı aýdandyq sotynyń sýdıasy ony kináli dep tanyp, ortasha qaýipsizdik kolonııasyna 4 jylǵa qamaý jazasyn taǵaıyndady.