Qaraǵandy ákimi jasy júzden asqan qarııalardy quttyqtady

QARAǴANDY. QazAqparat – Qaraǵandyda Qarttar kúninde uzaq ómir súrgen qarııalardy quttyqtap, syılyqtar tabys etildi. Qalanyń eń qart turǵyny Sholpan Jaqypova 114 jasta. Oǵan Qaraǵandy qalasynyń ákimi Ermaǵanbet Bólekpaev kelip, merekesimen quttyqtady, dep habarlaıdy QazAqparat tilshisi.

Sholpan apa ómir boıy úı sharýashylyǵymen aınalysqan. Ol kóp balaly ana, bes balany tárbıelep ósirgen. Qazir 63 jastaǵy ulynyń otbasymen turady.

Qonaqtar 100 jastaǵy ardager Alekseı Pıchýgovtiń de shańyraǵynda bolyp qaıtty. Ol Uly Otan soǵysyna qatysqan. Shekarashy bolǵan. 2-shi Ýkraın maıdanynyń quramynda urysqa qatysqan. ІІ dárejeli Otan soǵysy ordenimen, «Kıevti qorǵaǵany úshin» medalimen marapattalǵan. Beıbit ýaqytta Aqtas avtobazasynda jumys istedi.

1 qazanda Qarttar kúnine oraılastyrylǵan aılyq bastaldy. Memlekettik qyzmetshiler aǵa býyndy quttyqtap, azyq-túlik sebetterin tartý etedi.

Qaraǵandyda 81 394 zeınetker turady.

Laıyqty zeınetti qamtamasyz etý - memlekettiń áleýmettik saıasatynyń negizgi mindetteriniń biri. Elimizde «Belsendi uzaq ómir súrý» Ulttyq jospary ázirlendi.

Halyqaralyq qarttar kúni BUU bastamasymen 1991 jyldan bastap 1 qazanda atap ótiledi.