Qaraǵandy akademııasynda polıtseılerdi patrıottyqqa tárbıeleıtin kýrstar bastaldy

NUR-SULTAN. QazAqparat – ІІM Qaraǵandy akademııasynda polıtseılerdi patrıottyq-otansúıgishtik rýhqa tárbıeleıtin kýrstar bastaldy. Bul týraly Іshki ister mınıstrliginiń baspasóz qyzmeti ótkizgen onlaın brıfıngide aıtyldy, dep habarlaıdy QazAqparat tilshisi.

Qatysýshylar Akademııanyń oqý-saptyq bólimsheleriniń ofıtserleri, olar kýrsanttar úshin tálimger bolady.

«Jıyndarda tyńdaýshylar ıdeologııalyq jumystyń zamanaýı ádisterin zerdeleıdi, polıtseılerdiń kásibı deformatsııasy máselelerin jáne ony sheshý joldaryn talqylaıdy, jastarǵa patrıottyq tárbıe berý ádisnamasyn qaraıdy», - deıdi QR ІІM resmı ókili Nurdildá Oraz.

Onyń aıtýynsha, oqytýdyń bul formaty ofıtserlerge ujymdy basqarý salasyndaǵy zamanaýı quraldardy ıgerip, jáne is júzinde qoldanýǵa, tárbıe protsesiniń menedjmenti, adamı qatynastar psıhologııasy men konflıktologııa týraly bilimderin nyǵaıtýǵa múmkindik beredi.