Qaraǵandynyń jańa ınsýlt ortalyǵynda 400 naýqasqa kómek kórsetildi

<p>QARAǴANDY. KAZINFORM &ndash; Osy jyldyń basynda Qaraǵandydaǵy &laquo;Aqjan&raquo; klınıkasynda úshinshi deńgeıdegi ınsýlt ortalyǵy jumys isteı bastady. Munda MÁMS júıesi aıasynda oblys turǵyndaryna shuǵyl kómek kórsetiledi. Bul týraly Qaraǵandy oblysy ákimdiginiń baspasóz qyzmeti málim etti.&nbsp;</p>

Medıtsınalyq saqtandyrý qorynyń Qaraǵandy fılıalynyń aqparaty boıynsha, ortalyqta patsıentter qajetti emniń tolyq keshenin alady: neırohırýrgııalyq operatsııalar, trombolıtıkalyq terapııa jáne ınsýlttan keıingi neıroońaltý. Zamanaýı tehnologııalar kúrdeli operatsııalardan keıin asqyný qaýpin azaıtýǵa jáne qalpyna keltirýdi tezdetýge múmkindik beredi.

Osy jyldyń basynda Qaraǵandydaǵy «Aqjan» klınıkasynda úshinshi deńgeıdegi ınsýlt ortalyǵy jumys isteı bastady. Munda MÁMS júıesi aıasynda oblys turǵyndaryna shuǵyl kómek kórsetiledi.

Foto: Medıtsınalyq saqtandyrý qorynyń Qaraǵandy fılıaly

Ortalyqta patsıentter qajetti emniń tolyq keshenin alady: neırohırýrgııalyq operatsııalar, trombolıtıkalyq terapııa jáne ınsýlttan keıingi neıroońaltý. Zamanaýı tehnologııalar kúrdeli operatsııalardan keıin asqyný qaýpin azaıtýǵa jáne qalpyna keltirýdi tezdetýge múmkindik beredi.

Insýlt ortalyǵynyń jumysy barysynda 400-den astam patsıent emdeldi, onyń ishinde 7 adamǵa mı qan tamyrlarynyń anevrızmasy jarylýyna baılanysty operatsııa jasaldy, 27 naýqasqa ınsýlt kezinde uıqy jáne omyrtqa arterııalaryn stentteý, 36 mı arterııalarynan trombekstraktsııa, gemorragııalyq ınsýlt kezinde 20 trepanatsııa júrgizildi.

Elý bes jastaǵy avtobýs júrgizýshisi osy jyldyń 20 maýsymynda tańerteń jumysta ózin nashar sezinip, esinen tanyp qalǵan. Jedel medıtsınalyq járdem brıgadasy ony Abaı aýrýhanasyna jetkizip, sol jerden reanımatologtyń qaraýynan keıin ol «Aqjan» klınıkasynyń ınsýlt ortalyǵyna jiberilgee. Qabyldaý kezinde naýqasqa mıdyń KT jasaldy, onyń nátıjeleri qan ketýdi, onyń kólemi men ornalasýyn anyqtaýǵa múmkindik berdi.

— Sol kúni naýqasqa mıǵa operatsııa jasaldy jáne ınfarkttyń ıntratserebraldy oshaqtary, kólemi 30 ml-den asatyn ıntratserebraldy gematomalar alynyp tastaldy. Operatsııa óte kúrdeli, uzaq jáne muqııattylyqty qajet etedi, óıtkeni gematomalar mıdyń ómirlik mańyzdy ortalyqtarynyń janynda ornalasqan. Operatsııa birneshe saǵatqa sozyldy jáne jaqsy nátıjemen aıaqtaldy, — deıdi klınıkanyń ınsýlt ortalyǵynyń bólim meńgerýshisi Ivan Týrkevıch.

Operatsııadan keıingi kezeń jaqsy ótti, qazir er adam ekinshi ońaltý emin alyp jatyr.

— Men ózimdi jaqsy sezinemin, ózim qozǵalamyn jáne belsendiligim arta bastady. Kúndelikti tynys alý jattyǵýlary, massaj, logopedpen sabaqtar ótkizildi. Sóıleýim birtindep qalpyna kelýde, — dedi naýqas.