Qaraǵandylyqtar jaryqsyz qaldy: Oblys ákimi málimdeme jasady

<p>28 qyrkúıek kúni Qaraǵandy qalasynyń basym bóligi jaryqsyz qaldy. Osyǵan baılanysty óńir ákimi Ermaǵanbet Bólekbaev oblys turǵyndaryna vıdeoúndeý jasady, dep habarlaıdy <a href="https://kaz.inform.kz/" target="_blank" rel="noopener">QazAqparat.&nbsp;</a></p>

Oblys basshysynyń aıtýynsha, búgin tańerteń Qaraǵandy qalasynyń JEO-3 stantsııasynda jáne Topar GRES-2-de shtattan tys jaǵdaı oryn aldy.

«Qazirgi sátte Topar GRES-2 júktemeni kóterip jatyr jáne meniń tapsyrmammen birinshi orynbasarym Vadım Basın bolǵan jaǵdaıdy anyqtaý úshin stantsııaǵa attanyp ketti. Júktemeni kóterý jáne óńir tutynýshylaryna elektr jaryǵyn qysqa merzimde berý úshin KEGOC-pen jáne barlyq stantsııalarmen barlyq sharalar qolǵa alynyp jatyr», - dedi Ermaǵanbet Bólekbaev.

Buǵan deıin Qaraǵandy qalasy ákimdiginiń baspasóz qyzmeti qorǵanys tetiginiń iske qosylýynan JEO-3-te tehnologııalyq aqaý týyndap, saldarynan 220 kV-tyq Ashyq taratý qurylǵysy toqtap qalǵanyn málim etken edi.

Eske salsaq, keshe Qaraǵandyda taǵy bir tótenshe oqıǵa týyndap, birneshe kóshe nóser jaýyn sýynyń astynda qalǵan bolatyn.