Qaraǵandylyq stýdentter álem chempıony ataǵyna talasady

<p>17-20 qazan aralyǵynda Ýtreht (Nıderland) qalasynda 33 eldiń qatysýymen&nbsp; ótetin ENACTUS WORLD CUP 2023 álem kýbogynda Qazaqstannyń namysyn E.Bóketov atyndaǵy Qaraǵandy ýnıversıtetiniń stýdentteri qorǵaıdy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ENACTUS WORLD CUP – álemniń 33 elinen qatysatyn stýdentterdiń, kásipkerlerdiń, akademııalyq jáne bıznes kóshbasshylarynyń halyqaralyq platformasy Enactus-tyń kásipkerlik qyzmet arqyly áleýmettik progreske qalaı yqpal etetinin kórsetý úshin biriktiretin is-shara. Stýdentterdiń jobasy BUU turaqty damýynyń 17 maqsatyna qol jetkizýge baǵyttalǵan. Prezentatsııalardy Halyqaralyq bıznes kóshbasshylarynyń toby baǵalaıdy. 

Foto: JQ «Enactus Kazakhstan»

Qazaqstandyq stýdentter plastıkti qaıta óńdeýdiń ınnovatsııalyq ádisin taýyp jáne paıdalanylǵan palletterden yńǵaıly jıhaz jasap, áleýmettik bıznes qurdy. Sondaı-aq múmkindigi shekteýli jandar óndiristik tsıkldiń basty qatysýshylary bolǵan. Kásipkerlik kóshbasshylyqty tańyta otyryp, stýdentter turaqty ómirge jol saldy.

«ENACTUS World Cup 2023 Stýdenttik kásipkerliktiń álemdik kýbogy – Qazaqstannyń daryndy jastary men áleýmettik jaýapty bıznes úshin biregeı múmkindik», - dedi fılosofııa ǵylymdarynyń doktory, ENACTUS Kazakhstan prezıdenti Albına Meırbekqyzy.

ENACTUS (burynǵy SIFE) – álemniń 33 elinen 1800 ýnıversıtet qatysatyn bıznes, ınnovatsııa jáne praktıkalyq daǵdylardy oqytýdyń halyqaralyq baǵdarlamasy. Jyl saıyn Qazaqstannyń 19 óńirinen 2 500-nan astam stýdent pen oqýshy 100-den astam jobany iske qosý arqyly halyqtyń áleýmettik osal toptary úshin 1 000 jumys ornyn qurady. 

Foto: JQ «Enactus Kazakhstan»