Qaraǵandylyq oıyn bıznesin uıymdastyryp, 32 mln teńge paıda tapqan

<p>ASTANA. KAZINFORM &ndash; Qarjylyq monıtorıng agenttigi Qaraǵandyda zańsyz oıyn bıznesin uıymdastyrý faktisiniń jolyn kesti.</p>

«Tergeý barysynda kúdiktiniń „Poker“ qumar oıynyn ótkizý úshin jergilikti meıramhanada úı-jaıdy jalǵa alǵany, arnaıy oıyn ústelderin ornatqany, oıyn fıshkalary men kartalaryn satyp alǵany anyqtaldy.

Bank shotyna túsken qarajattardyń jalpy somasy 32 mıllıon teńgeden asqan», — dep jazdy vedomstvodan.

Sot úkimimen atalǵan azamat kináli dep tanylyp, oǵan 3 jyl 6 aıǵa bas bostandyǵynan shartty túrde aıyrý jazasy taǵaıyndaldy.

QMA azamattardy qumar oıyndarǵa — lýdomanııaǵa patologııalyq táýeldilikten qorǵaý maqsatynda zańsyz oıyn núktelerin anyqtaý jáne buǵattaý jónindegi jumysty jalǵastyratyn bolady.

«Eger siz ókilettikterdi teris paıdalaný, qarajatty jymqyrý nemese basqa da ekonomıkalyq quqyq buzýshylyqtar faktileri jaıly bilseńiz, „AFM Insider“ telegram botyna habarlaýyńyzdy suraımyz. Anonımdilikke kepildik beriledi», - delingen aqparatta.