Qaraǵandylyq órt sóndirýshiler tsısternalyq gaz jarylysynyń aldyn aldy

<p>QARAǴANDY. KAZINFORM &ndash; Qutqarýshylar órt shyqqan janarmaı quıý stansasynan 66 turmystyq gaz ballondaryn alyp shyqty.&nbsp;</p>

Qaraǵandy ​​qalasynda búgin saǵat 16:19-da Potanın kóshesinde «Hanter AGZS» JShS kásiporny aýmaǵynda kólemi 6 tekshe metr metall ydystaǵy gaz órtendi.

«Órtke qarsy qyzmet kelgenge deıin syıymdylyqta gaz-aýa qospasynyń jarylysy boldy. Odan 40 sharshy metr aýmaqta jeke qurylymnyń metall konstrýktsııalaryna zaqym keldi. TJD kúshimen barlyǵy 66 turmystyq gaz ballony shyǵaryldy (53 dana — 27 l, 13 dana — 50 l). 16-59-da órt sóndirildi. Zardap shekkender joq», - dep málimdedi Qaraǵandy oboystyq TJD baspasóz qyzmeti.

Qazirgi kezde oqıǵanyń sebebi men mán-jaıy anyqtalyp jatyr. 

Órtti joıýǵa Qaraǵandy oblysy TJD jeke quramynyń 22 adamy jáne 6 birlik tehnıkasy jumyldyryldy.