Qaraǵandylyq dárigerler eskalatorǵa qysylyp qalǵan balanyń jaǵdaıyn málimdedi

<p>Qaraǵandylyq dárigerler SOO eskalatoryna qysylyp qalǵan úsh jasar balanyń qolyn kesýden saqtap qaldy. Operatsııa eki saǵattan astam ýaqytqa sozyldy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Operatsııa kezinde dárigerler qan ketýdi toqtatyp, radıaldy arterııany jalǵady. Sondaı-aq, balanyń oń qolynyń súıekteri túzetildi, bilezik býynynyń kapsýlalary qalpyna keltirildi, oń qoldyń bir saýsaǵynyń uzyn jáne qysqa sińiri tigildi.

"2021 jyly týǵan bala oblystyq balalar klınıkalyq aýrýhanasyna aýyr halde jetkizildi. Mıkrotamyr hırýrgi men balalar travmatologynyń qatysýymen operatsııa jasaldy. Operatsııa 2 saǵattan astam ýaqytqa sozyldy. Medıtsına qyzmetkerleriniń jedeldigi men hırýrg dárigerlerdiń kúsh-jigeriniń arqasynda kishkentaı patsıenttiń qolyn kesýden saqtap qaldyq. Qazirgi ýaqytta bala aýrýhananyń reonımatsııasynda jatyr. Jaǵdaıy turaqty aýyr", - dep túsindirdi Qaraǵandy oblysy Densaýlyq saqtaý basqarmasy ana men balany qorǵaý bóliminiń basshysy IrınaTasmaǵambetova.

Esterińizge sala keteıik, búgin "Global City" SOO-da úsh jasar balanyń qoly eskalatordyń aınalmaly bóliginde qystyrylyp qaldy. Arnaıy mamandar balany qutqarǵanymen, ol aýyr halde aýrýhanaǵa jetkizildi.