Qaraǵandydan Pavlodarǵa deıin júk kólikteriniń qozǵalysyna tyıym salyndy

<p>ASTANA. KAZINFORM — «QazAvtoJol» UK baspasóz qyzmeti kólik qozǵalysyna shekteý qoıý týraly shuǵyl aqparat taratty.</p>

— 2024 jylǵy 20 qarashada saǵat 21:30–da Qaraǵandy oblysynda aýa raıynyń buzylýyna baılanysty «Qyzylorda-Pavlodar» avtojolynyń 970-1135 shaqyrymy aralyǵynda (Qaraǵandy qalasy — Pavlodar oblysynyń shekarasy) júk jáne qoǵamdyq kólikterdiń qozǵalysyna shekteý qoıylady, — delingen kompanııa taratqan habarlamada.

Sonymen qatar, 2024 jylǵy 20 qarashada saǵat 21:30–da Qaraǵandy oblysynda aýa raıynyń buzylýyna baılanysty Pavlodar oblysynda «Qyzylorda-Pavlodar» avtojolynyń 1135-1206 shaqyrymy aralyǵynda (Qaraǵandy oblysynyń shekarasy — Shıderti aýyly) júk jáne qoǵamdyq kólikterdiń qozǵalysyna shekteý qoıylady.

Joldardy 2024 jylǵy 21 qarasha saǵat 08:00–de ashý josparlanǵan.

Buǵan deıin habarlaǵanymyzdaı, elimizdiń eki oblysynda kólik qozǵalysy jandandy.