Qaraǵandydaǵy apatty jaǵdaıdaǵy JEO-3 olıgarh Dinmuhamed Ydyrysovqa tıesili

<p>Búgin tańerteń apat bolyp, saldarynan qalanyń úlken aýmaǵy jylýsyz qalǵan Qaraǵandy JEO-3 olıgarh Dinmuhamed Ydyrysovqa tıesili ekeni belgili boldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Bul týraly QazAqparat tilshisine QR Energetıka mınıstrligi habarlady.

- JEO-3 «Qaraǵandy -Energotsentr» JShS-ne tıesili. Qazaqstan kommýnaldyq júıeler aktsıoneri – Ydyrysov D.A. – dep túsindirdi departamentten.

Qaraǵandy JEO-3-tiń bas kompanııasy - «Qaraǵandy -Energotsentr» JShS. Óz kezeginde «Qaraǵandy-Energotsentr» JShS «Qazaqstan kommýnaldyq júıeleri» JShS quramyna kiredi. Qazaqstan kommýnaldyq júıeler aktsıoneri - olıgarh Dinmuhamet Ydyrysov.

D.Ydyrysov 2023 jyldyń mamyrynda Qazaqstandaǵy eń baı 50 kásipkerdiń tizimine endi. 2022 jyly onyń esimi Forbes nusqasy boıynsha Qazaqstandaǵy eń yqpaldy 50 bıznesmenniń tizimine kirdi. Onyń tabysy - $490 000 000. Ol «Qazaqstan kommýnaldyq júıeleri» JShS ıelik etedi. «Qurmet», «Parasat» ordenderimen marapattalǵan.

D.Ydyrysov eńbek jolyn Qazaq KSR Avtomobıl kóligi mınıstrliginiń 1-JEÝ basqarmasynyń brıgadıri bolyp bastady, keıin «Ordabasy Group» JShS baqylaý keńesiniń tóraǵasy jáne «Qazaqstan kommýnaldyq júıeleri» JShS baqylaý keńesiniń tóraǵasy boldy.

«Qazaqstan kommýnaldyq júıeleri» kásiporny óńirlik deńgeıde 4 oblys – Qaraǵandy, Túrkistan, Shyǵys Qazaqstan jáne Mańǵystaý oblysynda qyzmet kórsetedi. «KKS» JShS eki óndirýshi uıymǵa - «Qaraǵandy-Energotsentr» JShS jáne «Óskemen JES» JShS, úsh iri elektr jelileri kompanııasyna - «Qaraǵandy Jaryq» JShS, «Ońtústik Jaryq Tranzıt» JShS jáne «Mańǵystaý elektr jelilerin taratý kompanııasy» AQ, sondaı-aq úsh ótkizý kompanııasyna «QaraǵandyJylýSbyt» JShS, «Eseptik qyzmet kórsetý ortalyǵy» JShS, «Energopotok» JShS.

«Qazaqstan kommýnaldyq júıeleri» kompanııasynyń saıtynda jabdyqty jańǵyrtý jáne qaıta qurý, sondaı-aq Qaraǵandy JEO-3 qýatyn keńeıtý «Qazaqstan kommýnaldyq júıelerdiń» iri jobalary ekeni aıtylǵan.

Olaı bolǵanymen, búgin Qaraǵandy oblysynyń bas shaharynda abonentterdiń basym deni jaryqsyz qalǵan bolatyn.

Óńir ákimi Ermaǵanbet Bólekbaev turǵyndarǵa málimdeme jasap, jaǵdaıdy túsindirdi.

Keıin Energetıka mınıstrligi shaharda qýat berý qalpyna keltirilgenin málim etti.

Aıta keteıik, keshe ǵana qaraǵandylyqtar nóser jańbyr saldarynan ábigerge túsken edi.