Qaraǵandyda jumysshy tok soǵyp mert boldy

<p>ASTANA. KAZINFORM &ndash; 27 maýsymda saǵat 11.30-da Qaraǵandy qalasyndaǵy Nerchenskaıa kóshesinde áýe jelisin jóndeý kezinde &laquo;Qaraǵandy Jaryq&raquo; kompanııasynyń 36 jastaǵy elektromonteri tok soǵyp, mert boldy.</p>

Belgili bolǵandaı, marqum Aıdos Núsipbekov áriptesi Ernur Espaımen birge aǵashtardy qyrqyp, munaramen joǵary kóterilgen.

«Men eńkeıe bergende ony tok soǵyp jatqanyn ańǵardym. Dereý áriptesterimdi shaqyryp, oǵan alǵashqy kómek kórsetýge tyrystyq. Jedel járdem shaqyrdyq, biraq bári kesh boldy», - deıdi Ernur.

Aıdostyń týǵan-týystary oqıǵa ornyna jetkende onyń denesin máıithanaǵa alyp ketken. Olar er adamnyń qaýipsizdik erejelerin ózi buzbaǵanyn alǵa tartyp otyr.

«Aıdos bul salada 12 jyldan astam ýaqyt eńbek etti. ıAǵnı, tájirıbeli mol. Áýe jelisine kóterilip, jóndeýge kirispes buryn, olar barlyq symdardy ajyratýy kerek edi. Bul elektromonterlerdiń mindeti emes. Ol óziniń shala áreketinen jan tapsyrýy múmkin emes. Bizde eki nusqa bolyp tur. Biri - symdardy ajyratpady nemese jumystyń aıaqtalýyn kútpesten tok berdi. Muny anyqtaý kerek», - deıdi marqumnyń týystary.

Marqumnyń artynda anasy, jubaıy, úsh balasy qaldy. Onyń qaıtys bolý sebepterin anyqtaý úshin arnaıy komıssııa quryldy.

Qaraǵandy oblysy PD baspasóz qyzmetiniń málimetinshe, Aıdos Núsipbekovtiń ólimine qatysty qylmystyq is qozǵalǵan. Tergeý QR QK-niń 156-babynyń 3-bóligi «abaısyzda adam ólimine ákep soqqan eńbekti qorǵaý erejelerin buzý» baby boıynsha bastalǵanyn atap ótken jón.