Qaraǵandyda jylý tarıfi ózgerdi
Qaraǵandyda 10 qarashadan bastap jylý energııasymen jabdyqtaý qyzmetterine saralanǵan tarıfter bekitildi. Ol qosylǵan qun salyǵy esebinsiz bir gıgakalorııa úshin - 8 795 teńge.
«Qaraǵandy Teplotranzıt» JShS kompanııasynyń dırektory Aldanysh Kúnispekovtyń aıtýynsha, bul shara -májbúrli túrde júzege asyrylyp jatqan qadam.
«Jylý energııasymen jabdyqtaý tarıfiniń artýy jylý energııasyn óndirýge arnalǵan tarıftiń 5% — ǵa ósýi, sondaı-aq strategııalyq taýar qunynyń ózgerýine baılanysty. Tarıfterdi kóterý boıynsha negizgi júktemeni bıýdjettik uıymdar kóterdi, olar úshin ósim 14% — qurady, halyq úshin tarıf is júzinde aıtarlyqtaı ózgergen joq. Ósim bir gıgakalorııa úshin 0,2% nemese 11 teńgeni qurady. Bir sharshy metr úshin tólem 190 teńgeni quraıdy», - dedi Aldanysh Kúnispekov.
Endi jeke tulǵalar úshin qosylǵan qun esebinsiz gıgakalorııa 4994 teńgeni, basqa tutynýshylar úshin 15007 teńgeni quraıdy. Biraq bıýdjet qarajaty esebinen kún kórip otyrǵan uıymdar gıgakalorııa úshin 32 myń teńgeden tóleıtin bolady. Oblystyq Qoǵamdyq keńesiniń ekonomıka jáne bıýdjet máseleleri jónindegi komıssııasynyń tóraıymy Aıjan Qııasovanyń aıtýynsha, tarıftik jospar bıýdjet qarajatyna táýeldi uıymnyń qaltasyna qatty áser etedi.
«Aýyr júkteme bıýdjettik uıymdarǵa túsedi. Kommýnaldyq qyzmetterdiń qymbattaýy shamamen 14% qurady. Baǵany kóterýge negiz bolǵan sebepter men máseleler, árıne, sheshilýi tıis. Alaıda, biz óz tarapymyzdan jóndeý jumystaryna nemese qaıta qurýǵa baǵyttalǵan sharalardyń jáne qymbattaýǵa negiz bolǵan sharalardyń oryndalýyna baqylaý kúsheıtiletinin aıttyq», — deıdi Aıjan Qııasova.
Sondaı-aq, Qoǵamdyq keńes músheleriniń aıtýynsha, bul máseleler bıýdjet esebinen sheshilmeýi tıis. Jańa tarıf 2024 jylǵy 10 qarashadan bastap qoldanysqa engizildi. Buǵan deıin ol qosylǵan qun esebinsiz bir gıgakalorııa úshin 4 433 teńgeni quraǵan bolatyn.