Qaraǵandyda úı qustary qyrylyp qalǵan aýyl bir aıǵa karantınge jabyldy

<p>Qaraǵandy oblysy Nura aýdanyna qarasty Ahmet aýyly karantınge jabyldy. Eldi mekendi 30 kúnge oqshaýlaýǵa taýyqtardyń jappaı qyrylýy sebep bolǵan, dep habarlaıdy <a href="https://kaz.inform.kz/?_gl=1*px7q75*_ga*MTcyODMwOTYyOS4xNjMyNTE2Mzcw*_ga_Y44SMVECD5*MTY5NzAzMjUyNi45Ni4xLjE2OTcwMzI3MDAuNjAuMC4w&amp;pk_vid=b06c05a01a74162016970327120d3129" target="_blank" rel="noopener">Kazinform</a>&nbsp;tilshisi.</p>

Ahmet eldi mekeninde birneshe aýlada úı qustarynyń qyrylý faktisi tirkelgen.

Arnaıy veterınarııalyq saraptama qorytyndysy ólgen taýyqtarda Newcastle derti bolǵanyn anyqtaǵan.

Jergilikti turǵyndar bul indet qyrkúıek aıynda bastalǵanyn aıtady.

Saldarynan osy kúnge deıin bir kóshe boıynda ornalasqan 7 úıden 223 qus qyrylǵan.

Osy ýaqytqa deıin atalmysh dert osy jáne mańaıdaǵy eldi mekenderde tirkelmegendikten qustarǵa ınfektsııaǵa qarsy ekpe salynbaǵan.

«Bul aýrý adamdarǵa juqpaıdy, sondyqtan halyqqa esh qaýpi joq. Aldyn ala ekpe jasamaýymyzdyń sebebi — josparda bolmaǵan. Sebebi buryn sońdy nıýkasl derti bizde tirkelmegen. Aýyldy 10 qazannan bastap karantınge japtyq. Endi arnaıy jasaq kelip, aýyldaǵy barlyq qustarǵa vaktsına egedi. Sonymen qatar taýyq qoralarda dezınfektsııa jasalady. Kelesi jyldan bastap bul dertke qarsy vaktsınany josparǵa engizemiz», — dep málimdedi Ahmet aýylynyń veterınar dárigeri Nurıla Bahram.

Mamannyń aıtýynsha, nıýkasl dertine tek taýyqtar ǵana shaldyǵady eken.

Kúrketaýyq, qaz nemese basqa da úı qustaryna atalmysh aýrý juqpaıdy.