Qaraǵandyda urlyq jasady degen kúdikpen izdestirilip jatqan shendige qatysty jańa derek shyqty

<p>Urlyq jasady degen kúdikpen izdestirilip jatqan Qaraǵandy oblysy PD Tergeý basqarmasynyń burynǵy bastyǵy Rýstam Kúlkeev osydan birneshe aı buryn teris minez-qulyq tanytqandyqtan qyzmetinen bosatylǵany anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Ózindik qaýipsizdik departamenti Qylmystyq kodekstiń 188-baby 4-bóliginiń 3-tarmaǵy jáne 361-baby 4-bóliginiń 3-tarmaǵy boıynsha qylmystyq iske qatysty tergep júrgizip jatyr. Belgili bolǵandaı, qylmystyq is boıynsha tárkilengen maınıng jabdyqtaryn urlaý jáne laýazymdyq ókilettikterin asyra paıdalaný faktisi boıynsha eki polıtseı kúdikti dep tanylǵan.

«Qaraǵandy oblysy prokýratýrasynyń kelisimi boıynsha buryn teris sebeptermen jumystan shyǵarylǵan polıtsııa departamentiniń Tergeý basqarmasynyń burynǵy bastyǵy R.Ý.Kúlkeev jáne osy bólimsheniń tergeýshisi Α.E.Qanatov osy qylmystyq is boıynsha kúdikti dep tanyldy. Qazirgi ýaqytta R.Ý.Kúlkeevpen tergeý áreketterin júrgizý úshin onyń ornalasqan jeri anyqtalýda. Kelmegen jaǵdaıda oǵan izdeý salynady», - dedi Qaraǵandy oblysy Polıtsııa departamentiniń bastyǵy Sanjar Ádilov.

Qylmystyq-protsessýaldyq kodekstiń 201-babyna sáıkes sotqa deıingi tergep-tekserýdiń basqa derekteri jarııa etilmeıdi.