Qaraǵandyda týǵan balýan Parıj Olımpıadasynyń chempıony atandy

<p>PARIJ. KAZINFORM &ndash; Parıjde ótip jatqan Olımpıada oıyndarynda búgin dzıýdodan Qaraǵandyda dúnıege kelgen balýan Olımpıada chempıony atandy.</p>

Naqtyraq aıtsaq, dzıýdodan Ázerbaıjan quramasynyń múshesi Hıdaıat Geıdarov búgin 73 keli salmaqta Parıj Olımpıadasynda qarsylas shaq keltirmeı, chempıon atandy. Ol fınalda Frantsııa sportshysy Djoan-Benjamın Gabany ıppon ádisimen jeńdi.

Geıdarov 1997 jyly 27 shildede Qazaqstannyń Qaraǵandy qalasynda dúnıege kelipti. Hıdaıat 3 jasqa tolǵanda otbasy Bakýge kóship ketken. Ol 6 jasynan bastap sportpen aınalysa bastaǵan. Ony bala kúninen qazirge deıin Tarlan Gasanov jattyqtyryp keledi eken.

Eske sala keteıik, búgin osy salmaqta Qazaqstan atynan synǵa túsken dzıýdoshy Danııar Shamshaev alǵashqy aınalymda ózbek balýany Mýrodjon ıÝldoshevtan jeńilip qalǵan edi.