Qaraǵandyda tasqynnan japa shekkenderge 369 myń teńgeden birjolǵy kómek berildi

<p>ASTANA. KAZINFORM &ndash; Qaraǵandy oblysy aýmaǵyndaǵy sý tasqyny jaǵdaıy turaqtaldy. Bul týraly oblys ákiminiń orynbasary Baýyrjan Asanov aıtyp berdi.</p>

Onyń aıtýynsha, jergilikti jerdegi basqarý organdary halyqtyń tynys-tirshiligin qalpyna keltirý jumystaryna kiristi.

«Qazirgi ýaqytta kelgen zalaldy esepteý jónindegi komıssııa óz jumysyn aıaqtady. Akkredıttelgen uıym tolyǵymen úılerdi tehnıkalyq tekserýdiń, búlingen múliktiń qunyn tolyq esebin usyndy. Jaqyn arada usynylǵan esepke baılanysty turǵyndarǵa tólemder tólenetin bolady. Budan basqa, zardap shekkenderge 100 aılyq eseptik kórsetkish mólsherinde birjolǵy materıaldyq kómek kórsetildi. Satyp alý nemese úı salý máselesi qarastyrylyp jatyr», - dedi B. Asanov ortalyq kommýnıkatsııalar qyzmetinde ótken baspasóz máslıhatynda.

Sonymen birge, zardap shekken eldi mekenderdegi halyqqa azyq-túlik, kıim-keshek, tehnıkalyq jabdyqtar, turmystyq tehnıka retinde gýmanıtarlyq kómek kórsetilgen.

Jalpy halyqtyń tynys-tirshiligin tezirek qalypqa keltirý boıynsha búkil qajetti sharalar qabyldanýda.