Qaraǵandyda isten shyqqan sý qubyry jóndelip jatyr

<p>Qaraǵandyda №5 magıstraldy sý qubyrynda apat boldy. Qalanyń kommýnaldyq qyzmetteri dıametri 600 mm qubyrdaǵy aqaýdy joıýmen aınalysyp jatyr, kópqabatty úılerde sý bar, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Dıametri 600 mm bolatyn № 5 sý jelisiniń bir qubyryndaǵy apat búgin tańǵy saǵat 10:00 shamasynda bolǵan. 

Qazirgi ýaqytta apatty joıýmen «Qaraǵandy Sý» JShS mamandary aınalysyp jatyr.

«№ 5 jeli sýdy eki jolmen jetkizedi, sonyń bireýinde apat boldy. Sý qubyrynyń bir jelisi boıynsha sý berý qysymy tómendetildi. Avarııalyq brıgada qubyrdyń avarııalyq ýchaskesin kesý boıynsha shara qabyldap jatyr», — dep habarlady «Qaraǵandy Sý» JShS baspasóz qyzmeti.

Qazirgi ýaqytta sý qysymy qalpyna keldi.

№ 5 magıstraldy sý qubyry 2012 jyly paıdalanýǵa berilgen.

Qubyrlar polıetılen materıaldan jasalǵan.