Qaraǵandyda soqqyǵa jyǵylǵan jedel járdem júrgizýshisi mán-jaıdyń qalaı bolǵanyn aıtty

<p>ASTANA. KAZINFORM -&nbsp;Jedel járdem kóliginiń júrgizýshisi oqys oqıǵanyń qalaı órbigenin aıtyp berdi. Onyń sózinshe, shabýyl jasaǵan er adam áý bastan agressıvti bolǵan.</p>

Jedel járdem júrgizýshisi dárigerlerdi Qaraǵandydaǵy kópqabatty úılerdiń biriniń aýlasyna shaqyrtýǵa alyp kelgende, er adam ony soqqyǵa jyqqan.

- Bizde qalypty kún bolatyn. Shamamen saǵat 23:57-de qońyraý tústi, biz tez arada 2-shi blokqa, №30 úıge bardyq. Bizdiń feldsherler jedeldetip úıge kirip ketti, sebebi ol jerde bir jasar bala aýyryp jatqan edi, - deıdi jedel járdem júrgizýshisi Tóreǵalı. Berikqalıuly.

Onyń aıtýynsha, feldsherlerdiń biri 4-5 mınýttan keıin úıden shyǵyp, planshetke blankilerdi toltyra bastaǵan. Bir-eki mınýttan keıin týmbochka kóterip kele jatqan jas jigitpen janjal bastaldy. Jedel járdem onyń jolyn bógep turǵandyqtan er adam ádepsiz sózder aıtqan.

- Men oǵan shaqyrtýda turǵanymdy jáne kete almaıtynymdy túsindirdim. Al ol ketip qalǵan sııaqty boldy. Alaıda, keıin ol týmbochkasyz qaıtyp kelip, taǵy da balaǵat sózder aıta bastady. Men kólikten tústim, sol kezde feldsher telefonyna ne bolyp jatqanyn túsire bastady, sebebi er adam agressıvti boldy. Men oǵan naýqasty, balany qaraýǵa kelgenimizdi túsindirýge tyrystym. Biraq ol meni tyńdamady, – deıdi Tóreǵalı Berikqalıuly.

Ashýlanǵan er adam eshteńege qulaq aspaı, júrgizýshiniń betinen birneshe ret soqqy bergende, sol jaq kózi isip ketedi. Júrgizýshi rólge ıe bola almaǵandyqtan, dárigerler ekinshi top pen polıtsııany shaqyrýǵa májbúr boldy.

Esterińizge sala keteıik, keshe Qaraǵandy ​​turǵyny jedel járdem júrgizýshisin uryp-soqqan bolatyn. Polıtseıler tóbelesken adamnyń kim ekenin anyqtady. Qazirgi ýaqytta shabýyl jasaǵan adamdy ustaý jumystary júrgizilýde.

Jedel járdem júrgizýshisiniń soqqyǵa jyǵylǵany týraly vıdeo paıda bolǵannan keıin QR Densaýlyq saqtaý mınıstrliginiń basshysy Ajar Ǵınııat úndeý jarııalap, bul oqıǵanyń barysy jeke baqylaýynda bolatynyn aıtty.