Qaraǵandyda órt saldarynan er adam mert boldy

<p>QARAǴANDY. KAZIFORM &ndash; Qaraǵandyda jer úıden órt shyǵyp, úıdiń 63 jastaǵy ıesi mert boldy, dep habarlaıdy Qaraǵandy oblysy Tótenshe jaǵdaılar departamentiniń baspasóz qyzmeti.</p>

Qaıǵyly jaǵdaı búgin, 6 maýsym kúni Qaraǵandydaǵy Stolıchnaıa kóshesinde boldy. Órt kezinde 4 bólmeli úıdegi zattar, jıhazdar, terezeler men esikterdiń jaqtaýlary janǵan. Jalyn sharpyǵan aýmaq 16 sharshy metrdi qurap otyr.

«№7 órt sóndirý bóliminiń qaraýyl bastyǵy júrekke massaj jasap, 1961 jylǵy úı esiniń esin jıdyryp alǵan. Ol Qaraǵandynyń №1 qalalyq aýrýhanasyna jetkizildi. Ókinishke qaraı, er adam kóz jumdy»,-dep habarlady Qaraǵandy oblysy Tótenshe jaǵdaılar departamentiniń baspasóz qyzmeti.

TJD qyzmetkerleri órtengen úıden gaz ballonyn alyp shyqty. Órttiń shyǵý sebebi anyqtalyp jatyr. Órtti sóndirýge jeke quramnan 8 adam jáne 2 tehnıka jumyldyryldy.