Qaraǵandyda mektepke baryp, oqýshylardy atamyn dep qorqytqan 13 jasar bala bolyp shyqty

<p>QARAǴANDY. KAZINFORM — Qaraǵandy oblysynyń polıtseıleri terrorızm týraly habarlama taratqan adamdy ustady. Jalǵan habardy 13 jasar jasóspirim taratqan.</p>

Qaraǵandy oblysy polıtsııa departamenti ekstremızmge qarsy is-qımyl basqarmasynyń qyzmetkerleri oblys mektepterinde oqýshylardy atamyn dep habarlama taratqan Telegram arnasynyń ákimshisin ári avtoryn ustady.

Belgili bolǵandaı, 13 jasar Qaraǵandy turǵyny áleýmettik jeliden terrorızm taqyrybyndaǵy aqparatty kórip, «Ochışenıe Karagandy» degen ataýmen óz arnasyn ashqan.

Osydan keıin ustalǵan azamat oblys tóńiregindegi mektepterde terrorızm aktisi daıyndalyp jatqany jaıly aqparat taratqan.

«Qazirgi ýaqytta Telegram arna óshirildi. Polıtsııa qyzmetkerleri bul qylmysqa shetelde júrgen adamdardyń qatysy bar-joǵyn tekserip jatyr. Polıtsııa organdary shuǵyl qyzmetterdiń shyǵynyn óteý boıynsha sotqa talap aryz beredi. Balanyń ata-anasy Qazaqstan zańnamasyna sáıkes jaýapkershilikke tartylady. Tergeý júrip jatyr», — dep habarlady Qaraǵandy oblysynyń PD baspasóz qyzmeti.

Eske salsaq, keshe 12 aqpanda áleýmettik jelide Qaraǵandy mektepterinde lańkestik áreket daıyndalyp jatqany týraly habarlama tarap ketken bolatyn. 

Polıtsııa qyzmetkerleri oqý oryndarynyń mańynda baqylaýdy kúsheıtti.