Qaraǵandyda kúshti jel elektr symdaryn úzip, úılerdiń shatyrlaryn julyp ketip jatyr

<p>Qaraǵandynyń kommýnaldyq qyzmetteriniń avarııalyq brıgadalary kúsheıtilgen jumys rejımine kóshti. Qalada qatty jeldiń saldarynan shatyrlar ushyp, elektr symdary úzilip jatyr. Birneshe aýdan elektr qýatynsyz qaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń tilshisi.</p>

«Qaraǵandy Jaryq» JShS-nyń barlyq brıgadalary kúsheıtilgen jumys rejımine kóshti, ár aýdanda 4 brıgada jumysqa kiristi. Qalpyna keltirý jumystaryn oryndaý aýa-raıynyń qolaısyzdyǵyna baılanysty kúrdelene tústi. «Qaraǵandy Jaryq» mamandary elektrmen jabdyqtaýdy qalpyna keltirý úshin barlyq qajetti sharalardy júzege asyrýda», - dep habarlady «Qaraǵandy Jaryq» JShS baspasóz qyzmeti.

Qala ákimi Meıram Kojýhov Instagram paraqshasynda tabıǵı aýa raıynyń buzylǵanyn habarlap, turǵyndardy qaýipsiz jerde bolýy kerektigin eskertti.

«Aýa-raıynyń qolaısyzdyǵyna baılanysty barlyqtaryńyzdan múmkindiginshe úılerińizde bolýdy jáne asa qajet bolmasa dalaǵa shyqpaýdy suraımyn. Qalada aǵashtardyń qulap, jeli shatyrlardy ushyryp áketip jatyr. Brıgadalar jumys isteýde. Barlyq kommýnaldyq qyzmetter kúsheıtilgen jumys rejımine aýystyryldy, ákimdik qyzmetkerleri kezekshilikte. Biz jumys istep jatyrmyz», - dep jazdy qala basshysy.