Qaraǵandyda kolledj stýdenti 7,5 jylǵa sottaldy

<p>ASTANA. KAZINFORM &ndash; Qaraǵandy qalasynda esirtki jasyrýmen aınalysqan stýdent 7,5 jylǵa bas bostandyǵynan aıyryldy. Bul týraly QR Joǵarǵy sotynyń baspasóz qyzmeti málim etti.&nbsp;&nbsp;</p>

Joǵarǵy sottyń málimetinshe, Qaraǵandy polıtehnıkalyq kolledjiniń 17 jastaǵy 3 kýrs stýdenti ınternetten «kýrer qajet» degen habarlandyrý kórgen.

Habarlandyrýda kórsetilgen telefon nómirine qońyraý shalyp, jumystyń qıyn emes ekenin, sonymen qatar jalaqysynyń joǵary ekenin biledi. 

«Alynǵan geolokatsııa boıynsha 5-15 jıyntyq taýyp, olardy bir-birden orap, Qaraǵandy kóshelerine jasyryp kelgen. Kýratoryna fotoesep jiberip otyrǵan. Árbir salynǵan orama úshin bank kartasyna 2,5 myń teńgeden aýdarym alyp otyrǵan, ony jeke qajettilikterine jumsaǵan», — delingen habarlamada. 

Byltyr qarasha aıynda ol polıtsııanyń qolyna tústi. 15 oramany alyp shyǵyp, onyń tórteýin jasyryp úlgergen. 

Oǵan Qylmystyq kodekstiń 297-baby 3-bóligi 1, 3, 5 tarmaqshalary boıynsha aıyp taǵyldy. Sotta aıyptalýshynyń kinási dáleldendi.

Sottyń úkimimen stýdent aıypty dep tanylyp, ol 7,5 jylǵa bas bostandyǵynan aıyryldy. Sýdıa onyń kámeletke tolmaǵanyn eskerdi, - delingen habarlamada. 

Úkim zańdy kúshine endi.