Qaraǵandyda qylmystyq toptyń 25 múshesi ustaldy

<p>QARAǴANDY. &nbsp;KAZINFORM -&nbsp; Qaraǵandy oblysynda uıymdasqan qylmysqa qarsy kúres basqarmasynyń jedel ýákilderi prokýratýramen birlesip, qylmystyq toptyń áreketine tosqaýyl qoıdy, &ndash; dep habarlaıdy Polisia.kz.</p>

Jedel izdestirý is-sharalary barysynda osy toptyń 12 qylmysqa qatysy bary anyqtaldy. Jábirlenýshiler – «Qarmet» AQ qyzmetkerleri, jeke kásipkerler jáne joǵary oqý oryndarynyń stýdentteri.

Kúdiktiler qoǵamdyq tártipti óreskel buza otyryp, qylmys jasaǵan. Olar uryp-soǵýmen, múlikti tartyp alyp, aqsha bopsalaýmen aınalysqan.

– Jalpy toptyń 25 múshesi ustaldy. Onyń ishinde eń belsendi 10 adam qamaýǵa alyndy. Tintý barysynda atys jáne sýyq qarý, oq-dári, dinı ádebıet pen iri kólemde qarajat tárkilendi. Qazirgi tańda olardyń basqa da qylmystarǵa qatysy bar-joǵy tekserilip jatyr. Basqa aqparat tergeý múddesinde jarııa etilmeıdi, – dedi departament bastyǵy – ІІM resmı ókili Shyńǵys Alekeshev.