«Jańa Konstıtýtsııa: Qazaqstannyń bolashaq ınstıtýtsıonaldyq arhıtektýrasyndaǵy óńirlerdiń róli» taqyrybyndaǵy dóńgelek ústel «Amanat» partııasynyń oblystyq fılıalynda ótti. Qatysýshylar azamattardyń quqyqtaryna kepildikterdi nyǵaıtý, jańa ınstıtýttardyń — Quryltaı men Qazaqstan Halyq Keńesiniń róli, jastar, otbasy jáne qoǵam úshin jańa múmkindikter sııaqty mańyzdy máselelerdi talqylady.
Qaraǵandy oblysynyń ákimi Ermaǵanbet Bólekpaev jańa Konstıtýtsııa jobasy memlekettiń jańartylǵan qoǵamdyq-saıası modelin qalyptastyryp, óńirlerdiń múmkindikterin keńeıtetinin atap ótti.
— Jańa Konstıtýtsııanyń negizgi qaǵıdaty — adamǵa baǵdarlaný. ıAǵnı basty nazarǵa adam jáne onyń qajettilikteri qoıylady. Bul atqarýshy bılik júıesine, onyń ishinde óńirlik ákimdikterge qoıylatyn naqty talap, — dedi Ermaǵanbet Bólekpaev. — Bizdiń ındýstrııalyq-tehnologııalyq óńir úshin Negizgi zań jobasynyń kirispesi men baptarynda bekitilgen jańa ıdeologııalyq ustanymdardyń mańyzy zor. Olar — eńbekqorlyq, progress, bilim qundylyqtary, sondaı-aq joǵary ekologııalyq mádenıetti qalyptastyrý. Jańa Konstıtýtsııa jumyspen qamtý, tsıfrlandyrý, qorshaǵan ortany qorǵaý jáne adamı kapıtaldy damytýǵa baǵyttalǵan uzaq merzimdi baǵdarlamalardy turaqty qoldaýdyń buryn-sońdy bolmaǵan quqyqtyq negizin qalyptastyrady.
Jańa Konstıtýtsııanyń negizgi mindetteriniń biri — quqyqtyq memleket qaǵıdattaryn nyǵaıtý jáne azamattardyń quqyqtaryn qorǵaý kepildikterin kúsheıtý. Qazaqstan Respýblıkasy Parlamenti Senaty tóraǵasynyń orynbasary Jaqyp Asanov sot júıesin damytý jáne sottardyń táýelsizdigin kúsheıtý máseleleri týraly aıtty.
Qazaqstan Respýblıkasy Eńbek jáne halyqty áleýmettik qorǵaý mınıstrliginiń zań qyzmeti departamentiniń dırektory Serik Berkamalov óz sózinde eńbek zańnamasyn damytý jáne azamattardyń quqyqtaryn qorǵaý kepildikterin kúsheıtý máselelerine toqtaldy.
— Jańa Konstıtýtsııa jobasynda adamnyń eńbek etý quqyǵy bekitiledi. Bul — keńirek áleýmettik uǵym. Ol tek mamandyqty erkin tańdaýdy ǵana emes, sonymen qatar eńbekti adamnyń ózin-ózi júzege asyrýynyń mańyzdy nysany retinde moıyndaýdy bildiredi, — dedi ol.
Qazaqstan halyq partııasy oblystyq fılıaly tóraǵasynyń orynbasary Erbolat Zakırov konstıtýtsııalyq reformalardyń jastar úshin mańyzyn atap ótti.
— Qazaqstannyń qazirgi jastary — bilimdi, bastamashyl ári álemge ashyq býyn. Jańa konstıtýtsııalyq model olar úshin bilim alý, kásibı turǵyda júzege asý jáne qoǵamdyq ómirge qatysý baǵytynda qosymsha múmkindikter ashady, — dedi partııa ókili.
Dóńgelek ústelge qatysýshylar konstıtýtsııalyq reformalardy saraptamalyq turǵyda súıemeldeýdiń mańyzyn jáne Qazaqstannyń jańa ınstıtýtsıonaldyq arhıtektýrasyn qalyptastyrýda óńirlerdiń belsendi ról atqaratynyn atap ótti.