Qaraǵandyda emhana destrýktıvti dinı aǵym ókilderine jalǵan anyqtama berip otyrǵan

<p>QARAǴANDY. KAZINFORM - Qaraǵandy oblysy prokýratýrasynyń tapsyrmasy boıynsha jeke medıtsınalyq uıymnyń qyzmeti tekserildi.&nbsp;</p>

Eńbek mıgranttaryna jumysqa ornalasý úshin 075/E nysanyndaǵy 700-den astam jalǵan medıtsınalyq anyqtama berý faktisi anyqtaldy.

Jekelegen jaǵdaılarda jalǵan anyqtama destrýktıvti dinı aǵymdardy ustanatyn adamdarǵa berilgen, sońǵylar keıinnen anyqtalyp, el aýmaǵynan shyǵaryldy.

Aıta ketý kerek, medıtsınalyq ortalyqta medıtsınalyq tekserýden ótýdi rastaıtyn qujattama, sondaı-aq ony júrgizýge qajetti jaǵdaı bolmaǵan.

Medıtsınalyq uıymnyń zańsyz qyzmeti azamattarymyzdyń qoǵamdyq densaýlyǵyna qaýip tóndirgen.

Qaraǵandy oblysy boıynsha medıtsınalyq jáne farmatsevtıkalyq baqylaý departamenti medıtsınalyq uıymnyń kináli tulǵalaryna qatysty ákimshilik sharalar qabyldady, uıymnyń qyzmetin toqtata turý týraly nusqama engizildi.

Osy fakti boıynsha sotqa deıingi tergep-tekserý organdary qylmystyq is tirkedi.

Tergeý júrip jatyr.