Qaraǵandyda burynǵy polıtseıdiń máıiti tabyldy

<p>Polıtsııa qyzmetkerleri burynǵy áriptesin úıiniń aýlasynan tapqan. Ol ózin atyp óltirgeni anyqtaldy. 48 jastaǵy tártip saqshysy zeınetker bolǵan, dep habarlaıdy Kazinform agenttiginiń tilshisi.</p>

Marqum Samat Qusaıynov ondaǵan jyldar ishki ister organdarynda qyzmet etken. Onyń bes balasy bolǵan.

"10 maýsymda Qaraǵandyda óz úıiniń aýlasynan 48 jastaǵy er adamnyń máıiti tabyldy, ol óziniń tirkelgen myltyǵymen óz-ózin atyp óltirgen. Bul fakt polıtsııada tirkelgen. Tergeý júrgizilýde. QR Qylmystyq kodeksiniń 201-babyna sáıkes ózge aqparat jarııa etilmeıdi", - dep habarlady Qaraǵandy oblysy PD baspasóz qyzmeti.

Marqumnyń tanystary aıtqandaı, ol sol kúni tańerteń eki balasyn lager men balabaqshaǵa aparyp tastaǵan. Sodan keıin ol úıine oralyp, óz-ózine qol jumsaǵan.