Qaraǵandyda bir top adam 40 mlrd teńgege jalǵan shot-faktýra jazyp bergen

<p>QARAǴANDY. KAZINFORM — Qaraǵandy oblysynyń turǵyny jumysty naqty oryndamaı jalǵan shot-faktýra jazyp berip, qylmystyq áreketke barǵan. Atalǵan fakti boıynsha QMA aýmaqtyq departamenti tergeý bastady.</p>

Qylmystyq shema satyp alýshy kontragenttermen úshjaqty shart jasasý arqyly mıkroqarjy uıymnan alynǵan jalǵan zaımdy paıdalaný arqyly júzege asqan.

Kontragent baqylaýyndaǵy JShS-ge emes, MQU-na qaryzdy óteý túrinde tólem júrgizgen.

Bul qylmys jasaýshy azamattarǵa qaryz berý sharty negizinde qolma-qol aqsha alýǵa jáne olardy jeke tulǵalarǵa berý arqyly jalpy somadan 2-6% deıin materıaldyq paıda alýǵa múmkindik berdi.

Máselen, 2022 jyldan bastap qazirgi ýaqytqa deıin satyp alýshy kontragentteri bar 9 kompanııa boıynsha jalpy aınalym 40 mlrd teńgeden asty.

Tergeý barysynda jalǵan shot-faktýra jazyp berý qylmysyn buryn osyǵan uqsas qylmysy úshin 3,5 jylǵa bas bostandyǵyn shekteý jazasyna kesilgen Qaraǵandy oblysynyń turǵyny uıymdastyrǵany anyqtaldy.

Tergeý jalǵasyp jatyr.

Jalǵan mámile jasasý, qarajatty zańsyz qolma-qol aqshaǵa aınaldyrý el bıýdjetine mıllıardtaǵan salyqtardyń túspeýine ákelip soǵady.

Ekonomıkalyq qylmystyń bul túri memlekettik áleýmettik jobalardy júzege asyrýǵa, zeınetaqy men járdemaqylardy tóleýge, jańa jol, aýrýhana, mektep salýǵa kedergi keltiredi.

Eger siz ókilettikti teris paıdalaný, qarajat jymqyrý nemese basqa da ekonomıkalyq quqyq buzý faktileri jaıly bilseńiz, AFM Insider telegram botyna habarlaýyńyzdy suraımyz.

Anonımdilikke kepildik beriledi.