Qaraǵandyda aıazdy kúni náresteni dalaǵa tastap ketken erkek pen áıel tabyldy

<p>QARAǴANDY. KAZINFORM&nbsp;&mdash; Qaraǵandyda polıtsııa qyzmetkerleri jańa týǵan náresteni kóshede qaldyryp ketti degen kúdikpen qalanyń eki turǵynyn ustady.</p>

 Polıtsııa qyzmetkerleri júrgizgen keshendi jumys nátıjesinde jas náresteni dalada tastap ketý deregi boıynsha kúdikti 29 jastaǵy er adam men 22 jastaǵy azamatsha ustaldy. Qazirgi ýaqytta oqıǵanyń tolyq mán-jaıy anyqtalyp jatyr, — dep habarlady Qaraǵandy oblystyq polıtsııa departamenti bastyǵynyń orynbasary Ernat Qalıaqparov.

Ustalǵandar balanyń ata-anasy ma, joq pa — áli belgisiz.

Polıtsııa tergeý qupııalyǵyna baılanysty ózge aqparatty jarııalamady.

Foto: Qaraǵandy oblysy PD

Esterińizge sala keteıik, 24 aqpan keshke Qaraǵandy turǵyny kópqabatty úıdiń kireberisinen jańa týǵan náresteni taýyp alǵan bolatyn.

Oblystyq densaýlyq saqtaý basqarmasynda habarlaǵandaı, shaqalaqtyń jaǵdaıy jaqsy.

Balalar úıine tapsyrylǵan.