Qaraǵandyda 2 adamnyń ólimine sebepker bolǵan avtobýs júrgizýshisi 9 jylǵa sottaldy
Qazybek bı aýdandyq sotynda abaısyzda 2 adamnyń ólimine, 5 adamnyń densaýlyǵyna asa aýyr, 12 adamnyń densaýlyǵyna ortasha aýyr jáne 8 adamnyń densaýlyǵyna jeńil zııan keltirýge alyp kelgen jol qozǵalysy erejesiniń buzylý faktisine oraı avtobýs júrgizýshisine qatysty qylmystyq isti qarady.
2022 jyldyń 25 qarashasynda Qaraǵandy qalasynyń DSK aýdanyndaǵy kópirde №146 jáne №41 baǵytta qatynaıtyn eki qoǵamdyq kólik soqtyǵysyp qaldy. Avtobýstardyń biriniń júrgizýshisi oqıǵa ornynda kóz jumdy. Sonymen qatar oqıǵa kezinde stýdent qyz mert boldy. 5 adamnyń densaýlyǵyna asa aýyr, 12 adamnyń densaýlyǵyna ortasha aýyr jáne 8 adamnyń densaýlyǵyna jeńil zııan keldi.
Otyrys barysynda sot dáleldemeler men jol-kólik oqıǵasy kezinde zardap shekkender men kýágerlerdiń dáıektemelerin eskerdi. Joǵaryda aıtylǵannyń negizinde sot №146 avtobýstyń júrgizýshisi QK 345-baby 4-tarmaǵy boıynsha kináli dep tanydy.
Prokýr oǵan 7 jylǵa kólik quraldaryn basqarý quqyǵynan aıyryp, 7 jylǵa qaýipsizdigi tómen qylmystyq-atqarý júıesi mekemesinde 7 jyl jazasyn óteýdi taǵaıyndaýdy surady. Zardap shegýshi tarap joǵary jaza berýdi ótindi. Qorǵaýshy tarap júrgizýshini aqtaý qajettigin alǵa tartty.
«Іs boıynsha jeńildetetin mán-jaı anyqtalǵan joq. O. tarapynan shyǵyndy óteý is-sharalary qabyldanǵan joq. Prokýror bekitken jańa aıyptaý aktisine sáıkes, isti jeńildetetin mán-jaı anyqtalmady. Aıtylǵandardy eskere otyryp, sot azamat O-ny 7 merzimge kólik quralyn basqarý quqyǵyn aıyra otyryp, 9 jylǵa bas bostandyǵyn aıyrýdy belgiledi. Sot zardap shegýshilerdiń azamattyq talap-aryzdaryn qarady, ony bir bóligi qanaǵattandyryldy, bir bóligi azamatty sot óndirisi tártibimen sotqa qaraýǵa berildi. Sot úkimi zańdy kúshine engen joq», - dep málimdedi Qaraǵandy oblystyq sotynyń baspasóz qyzmeti.
Aızada Aǵylbekova