Qaraǵandy, Pavlodar oblystarynyń keıbir bólikterinde jol qozǵalysy shekteldi

<p>ASTANA. KAZINFORM &mdash; Kún raıynyń kúrt buzylýyna baılanysty saǵat 23:00-den bastap Qaraǵandy, Pavlodar oblystarynyń birneshe bóliginde jol qozǵalysyna shekteý qoıyldy. Bul týraly QazAvtoJol málim etti.&nbsp;&nbsp;</p>

Qaraǵandy oblysy: 

«Qaraǵandy-Aıagóz-Buǵaz» avtojolynyń 17-217 shaqyrym aralyǵy, Qaraǵandy qalasy — Qarqaraly qalasyna deıin, «Qalqaman — Baıanaýyl — Úmitker — Botaqara» avtojolynyń 231-324 shaqyrym aralyǵy, Pavlodar oblysynyń shekarasy -Botaqara aýyly. Joldy 2024 jylǵy 15 jeltoqsan saǵat 08:00–de ashý josparlanǵan. 

Pavlodar oblysy: 

«Qalqaman — Baıanaýyl — Úmitker — Kerneı — Botaqara» avtojolynyń 137-231 shaqyrym aralyǵy, Pavlodar oblysynyń shekarasy -Baıanaýyl aýyly. Joldy 2024 jylǵy 15 jeltoqsan saǵat 08:00–de ashý josparlanyp otyr.

Eske sala keteıik, buǵan deıin  kún raıynyń kúrt buzylýyna baılanysty, saǵat 20:00–de aýa raıynyń buzylýyna baılanysty «Astana-Qaraǵandy-Almaty» avtojolynyń 1353-1426 shaqyrym aralyǵynda (Aqmola oblysynyń shekarasynan Temirtaý tólemaqy alý pýnktine deıin) kóliktiń barlyq túriniń qozǵalysyna shekteý qoıylǵanyn jazǵan edik.

Sondaı-aq «Astana — Qaraǵandy — Almaty» avtojolynyń 1291-1353 shaqyrym aralyǵynda (Jibek Joly tólamqy alý pýnktinen Qaraǵandy oblysynyń shekarasyna deıin) kóliktiń barlyq túriniń qozǵalysy úshin jol jabyldy.