Qaraǵandy oblysynyń Topar kentinde sibir jarasy paıda boldy

<p>Qaraǵandy oblysynyń Topar kentinde karantın jarııalandy. Elde mekende sibir jarasy anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń tilshisi.</p>

Búgin tańerteń Topar kentiniń ákimdigi jergilikti turǵyndarǵa eldi mekende karantın jarııalanǵanyn habarlady.

Bılik ókilderiniń málimdeýinshe, aýylda sibir jarasy anyqtalǵan. Sol sebepti kentke Abaı qalasynan kire beristegi kólikterdi sanıtarlyq óńdeýge arnalǵan baǵana ornatylǵan.  

«Mal men sút ónimderin ákelýge jáne áketýge, mal soıýǵa jáne aýmaqtan jemshóp pen jemshóp qospalaryn áketýge tyıym salynady. Aýlalardyń birinde sibir jarasynyń anyqtalǵandyǵyna baılanysty osy sharalar júzege asyrylýda. Barlyq qajetti veterınarııalyq jáne sanıtarııalyq - epıdemıologııalyq is-sharalar júrgiziledi. Jaǵdaı ýákiletti qyzmetterdiń baqylaýynda», - dep málimdedi Topar kentiniń ákimdiginde.

Jergilikti bılik halyqtan dúrbeleń týdyrmaýyn ótinip, qandaı da bir suraqtar týyndasa kelesi telefon nómirlerine habarlasýdy suraıdy: (72131) 44800, 87780090090