Qaraǵandy oblysynyń tyl eńbekkerleri men eńbek ardagerleri tegin demalysqa attandy
Demalýshylar qatarynda buryn muǵalim, býhgalter, qurylysshy, mehanızator, kenshi jáne t. b mamandyq ıeleri bolǵan zeınetkerler bar.
Tizimderdi oblystyń ardagerler jáne qoǵamdyq uıymdary qalyptastyrdy.
– Oblys ákiminiń bastamasymen ótken jyldan bastap eńbek ardagerlerin Prıozersk qalasyndaǵy shıpajaıǵa jiberemiz. Onda olar qajetti medıtsınalyq kómek alyp, densaýlyǵyn qalpyna keltiredi. Tizimder olarǵa laıyqty adamdar kiretindeı etip jasalady, – dedi oblys ákiminiń orynbasary Oraz Táýirbekov.
Balqash jaǵalaýyndaǵy saýyqtyrý kesheninde zamanaýı medıtsınalyq jabdyqtar bar, bilikti mamandar jumys isteıdi.
10 kún ishinde egde jastaǵy adamdar protsedýralardyń tolyq kýrsynan ótedi. Emdeý árqaısysy úshin jeke taǵaıyndalady.
– Aýa-raıy búgin meniń kóńil-kúıimdi buza almady. Men saparǵa attanyp bara jatqanyma shyn júrekten qýanyshtymyn, – deıdi 75 jastaǵy Kúlpáný Musaınova. – Memleket bizge, zeınetkerlerge qamqorlyq jasap qatqanyna qýanyshtymyz. Shıpajaıda maǵan unaıdy dep úmittenemin, azdap úırenemin, jańa tanystar paıda bolady. Osy sapardy uıymdastyrýǵa kómekteskenderdiń barlyǵyna alǵys aıtamyn.
Qart adamdar jıpajaıǵa medıtsına mamandarynyń jáne polıtsııanyń súıemeldeýimen jaıly avtobýspen attandy.
Bıyl 200 ardager tegin shıpajaı-kýrorttyq emdeýmen qamtyldy.