Qaraǵandy oblysynyń mektepterinde oqýshylar tyıym salynǵan saıttarǵa kirgen

<p>ASTANA. KAZINFORM - Qaraǵandy oblysynyń prokýrorlary mektepterde keleńsiz ınternet saıttarǵa erkin kirýge tosqaýyl qoıdy, dep habarlaıdy QR Bas prokýratýrasynyń baspasóz qyzmeti.&nbsp;</p>

Qaraǵandy oblysynyń prokýratýrasy tekserý barysynda bilim alýshylardyń destrýktıvti aqparatqa ashyq qol jetkizý faktilerin anyqtady.

Oqýshylar barlyq saıttarǵa qol jetkize otyryp, ártúrli sıpattaǵy aqparat ala alady.

Mysaly, Shahtınsk qalasynyń oqýshylary pornografııalyq sıpattaǵy aqparat pen esirtki satatyn jerlerdi izdeý úshin braýzerlerdi erkin paıdalanǵan.

Balqash qalasynda balalar «ChVK Redan» múshesi bolý úshin testiden ótken, bul uıym agressıvti jastar toby bolyp tabylady jáne qoǵamdyq qaýip tóndiredi.

Buzýshylyqtar oblystyń barlyq mektepterinde anyqtaldy.

Prokýrorlyq qadaǵalaý aktileri engizilip, kináli adamdar jaýapqa tartyldy, bilim alýshylardyń teris saıttarǵa kirýin shekteý jumystary júrgizildi.