Qaraǵandy oblysyndaǵy ushaq apaty: Qaza bolǵandar – áskerı kýrsant pen pılot

<p>Azamattyq avıatsııa komıteti Qaraǵandy oblysynda ushaq apatynan qaza bolǵandardyń aty-jónin jarııalap, atqarylyp jatqan shuǵyl sharalar jóninde málim etti, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></p>

Áýe apatynan qaza tapqandar: 1097 saǵat ushý tájirıbesi bar áýe kemesiniń komandıri (ushqysh-nusqaýshy), Áýe qorǵanysy kúshteri áskerı ınstıtýtynyń kýrsanty.

Málim etilgendeı, pılottyń 2019 jyldyń 28 qarashasynda berilgen №000012 CPL (A) sertıfıkaty bar. Nusqaýshy pılottyń arnaıy belgisi «KAMA» zańdy tulǵalar birlestigine engizilgen jáne ol 2026 jyldyń 1 shildesine deıin jaramdy.

«Kólik mınıstrliginiń Azamattyq avıatsııa komıteti men Qazaqstannyń Avıatsııa ákimshiligi áýe apatynda qaza bolǵan azamattardyń jaqyndary men týystaryna kóńil aıtady.

Qazaqstannyń Avıatsııa ákimshiliginiń bas dırektory Katalın Radý P2002-JF-pen bolǵan apatqa baılanysty Operatsııalyq ortalyqtyń shuǵyl otyrysyn ótkizdi.

Operatsııalyq ortalyq Qazaqstannyń avıatsııa ákimshiliginiń avarııalyq josparyn iske asyra bastady, ushý qaýipsizdigin qamtamasyz etý máselesi talqylandy jáne tergeý júrgizý úshin qujattar daıyndaldy», – delingen habarlamada.

Foto: Azamattyq avıatsııa komıteti

Aqparatqa súıensek, ushaq «Avıatsııalyq oqý-jattyǵý ortalyǵy» JShS-ǵa tıesili. Kompanııa 2022 jylǵy 25 qarashada «Qazaqstannyń avıatsııalyq ákimshiligi» AQ bergen sertıfıkat negizinde avıatsııalyq personaldy kásibı daıarlaý jónindegi qyzmetti júzege asyryp keledi. Sertıfıkattyq tekserýdi «Qazaqstannyń avıatsııalyq ákimshiligi» AQ avıatsııalyq ınspektorlary 2022 jylǵy 21 qarasha men 25 qarasha aralyǵynda júrgizdi.

Apatqa ushyraǵan UP-LA286 áýe kemesiniń ushýǵa jaramdylyq sertıfıkaty 2020 jylǵy 4 maýsymda berildi. Shyǵarylǵan jyly – 29.07.2011 jyl. Qazaqstan Respýblıkasynyń azamattyq áýe kemeleriniń memlekettik tiziliminde 2020 jylǵy 13 mamyrda tirkelgen.

Avıatsııalyq oqý ortalyǵynyń parki 15 (11 ushaq jáne 4 tikushaq) áýe kemelesinen turady.

Eske salaıyq, ushaq apaty búgin tańerteń boldy. Qaraǵandy oblysynyń Balapan alańynda oqý-jattyǵý jasap júrgen P2002 úlgisindegi UPLA286 ushaǵymen ushyp shyqqan ýaqyty 07.46-dan keıin baılanys úzilgen. Áýe kemesi jergilikti ýaqytpen saǵat 08.44-te Qaraǵandy oblysynyń Doskeı aýylynan 5 km jerde qulady.

Іzdestirý jumystary barysynda qıraǵan ushaq pen eki adamnyń denesi tabyldy.