Qaraǵandy oblysyndaǵy dala órti sóndirildi
TJM habarlaýynsh, Qatty ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qıyndatqan.
«Órtti sóndirý jumystary jerústi jáne áýe kóligimen júrgizildi. Búgin aerovızýaldy barlaý júrgizildi. Qazirgi ýaqytta jaǵdaı turaqty, jańa órt oshaqtary baıqalmaıdy», — delingen habarlamada.
Tabıǵı órttiń aýqymdylyǵyna baılanysty TJ mınıstriniń tapsyrmasyna sáıkes eldi mekender men ormanshylyqtardy qorǵaý, órtti joıý boıynsha jedel sharalar qabyldaý úshin QR ІІM TJM, JAO, Qorǵanysmıni, UU qosymsha kúshteri jiberildi.
Órtti sóndirý kezindegi is-qımyldardy úılestirýdiń arqasynda aýa-raıynyń qolaısyzdyǵyna, órttiń úlken alańyna, órt sóndirý bólimsheleriniń ornalasqan jerinen araqashyqtyǵyna qaramastan 7 eldi mekendi (Qoıandy aýyly, Terekti aýyly, Aıyr, Qyzylshilik, Shóptikól, Atantaı, Qolbasy bólimsheleri) jáne 11 sharýa qojalyǵyn qorǵaýǵa múmkindik týdy, onda 1,5 myńǵa jýyq adam turady jáne 33 myńnan astam mal basy bar. Sonymen qatar Egindibulaq aýyly aýdanyndaǵy Kývskıı sharýashylyǵynyń orman qory aýmaǵyn ottyń taralýynan qorǵady.
Órtti joıýǵa TJD, PD, TJM áskerı bólimderiniń, Orman jáne janýarlar dúnıesin qorǵaý boıynsha Kývskıı sharýashylyǵynyń, «Qaraǵandy orman jáne janýarlar dúnıesin qorǵaý jónindegi sharýashylyq» KMM, Qaraǵandy memlekettik ulttyq tabıǵı parkiniń kúshteri men quraldarynan jalpy sany 609 adam jáne 93 birlik tehnıka, 3 UUA, QR TJM, ІІM UU, Qorǵanys mınıstrliginiń 5 áýe kemesi jumyldyryldy.
Órtti sóndirý barysynda áýe kemeleri órt oshaqtaryna 62 ret jalpy kólemi 112 tonna sý tókti.
Esterińizge sala keteıik, 2024 jylǵy 6 qazanda Qaraǵandy oblysy Qarqaraly aýdanynyń Sharyqty jáne Qoıandy aýyldyq okrýgterindegi dala aımaǵynda bıiktigi 1 metrge deıin qurǵaq shóp jandy.