Qaraǵandy oblysynda turǵyn úı satyp alýǵa arnalǵan qarajat basqa maqsatqa jumsalǵan

<p>QARAǴANDY. KAZINFORM - Nura aýdanynyń prokýratýrasy júrgizgen tekserý barysynda erikti qonys aýdarý baǵdarlamasy boıynsha bólingen qarjynyń jumsalýynda zań buzýshylyqtar anyqtady.</p>

Oblystyq prokýratýranyń málimetinshe, turǵyn úı satyp alýǵa arnalǵan qarajat basqa maqsattarǵa jumsalǵan.

Atap aıtqanda, 2023 jyly Astanadan Nura aýdanyna kóship kelgen azamat O.Kósherbaı satyp alǵan úıine qonystanbaǵan. Ony kóshirýge 966 000 teńge jáne turǵyn úı satyp alýyna 4 000 000 teńge bólingen.

2023 jyldyń qarasha aıynda ol 8 300 000 teńgege páter satyp alý-satý shartyn bekitken. Alaıda tekserý barysynda atalǵan úıde burynǵy ıesi men onyń otbasy turyp jatqany anyqtaldy.

Prokýratýra qabyldaǵan sharalardyń nátıjesinde Ó.Kósherbaı memlekettik bıýdjetke 2 000 000 teńgeni qaıtardy. Qalǵan somaǵa sotqa talap-aryz berildi.

Buǵan deıin elimizdiń 8 óńirimen shektesetin Qaraǵandy oblysynyń statıstıkalyq derekteri týraly jazǵan edik.