Qaraǵandy ​​oblysynda sý tasqyny saldarynan 300-den astam adam qaýipsiz jerge kóshirildi

<p>ASTANA. KAZINFORM &mdash; Qaraǵandy ​​oblysyndaǵy jaǵdaı áli de turaqsyz. Tórt eldi mekennen 300-den astam adam qaýipsiz jerge kóshirildi. Gıdrotehnıkalyq qurylystar shtattyq rejımde jumys istep jatyr.</p>

30 naýryzda Shet aýdanynda tótenshe jaǵdaı jarııalandy. Turǵyn úılerdi sý basý qaýpi bar alty jaǵdaı tirkeldi, onyń úsheýi Shet aýdanyndaǵy úsh eldi mekende sý basqan. Sý basqan úılerden aldyn ala 292 adam evakýatsııalandy, onyń 114-i bala.

Kóktemgi sý tasqynynan zardap shekkenderdiń barlyǵyna kómek kórsetilip, eshkim nazardan tys qalmaıdy. Bul týraly Premer-Mınıstr Oljas Bektenov sý tasqynyna qarsy is-sharalardy úılestirý jáne sý tasqynynyń zardaptaryn joıý jónindegi respýblıkalyq shtab otyrysynda aıtty.

Sondaı-aq oblysta Samarqand jáne Intýmaq sý qoımalarynan sekýndyna 900 tekshe metrge deıin sý shyǵarylyp jatyr.

Sherýbaı-Nura ózenindegi sý deńgeıiniń boljamdy kóterilýine baılanysty TJD, jergilikti atqarýshy organdardyń kúshimen Qaıraqty aýylynan 67 adam aldyn ala evakýatsııalandy, onyń ishinde 32 bala. Olardyń kóbi Aqsý-Aıýly aýylyndaǵy týystaryna ornalastyryldy. Eldi meken tarapynan Sherýbaı-Nura ózeniniń arnasynda uzyndyǵy 600 m. ýaqytsha bóget salý jáne qaptardy tóseý boıynsha jumystar júrgizilip jatyr. Post qoıyldy.

TJD bazasynda departament, basqarmalar men ákimdik qyzmetkerlerinen turatyn sý tasqynyna qarsy shtab táýlik boıy jumys istep jatyr.