Qaraǵandy oblysynda «Spýtnık V» vaktsınasyn shyǵarǵan zaýyt nemen aınalysyp jatyr

<p>ASTANA. KAZINFORM &ndash; Densaýlyq saqtaý vıtse-mınıstri - memlekettik bas sanıtar dáriger Aıjan Esmaǵambetova Qaraǵandy oblysynda &laquo;Spýtnık V&raquo; vaktsınasyn shyǵarý zaýytyna qatysty suraqqa jaýap berdi.</p>

«Bul zaýyt bastapqyda dári-dármek óndirdi, ıaǵnı vaktsına shyǵarmady. Koronavırýs keńinen taralǵan kezeńde «Spýtnık V» vaktsınasyn shyǵarý úshin óndiristik baza qajet bolǵanyn eskere otyryp, zaýyt osy vaktsınanyń jeke partııalaryn shyǵarý úshin paıdalanyldy. Vaktsına óndirisi aıaqtalǵannan keıin, bul zaýyt qalypty jumysyna qaıta oraldy. Ol elimizge qajet dári-dármekti shyǵaryp jatyr», - dedi A. Esmaǵambetova Senattaǵy baspasóz máslıhatynda.

Sonymen birge ol qazir Qazaqstanda koronavırýsqa qarsy vaktsına qaı jerde óndirilip jatqanyn da túsindirdi.

«Eger koronavırýs ınfektsııasyna qarsy vaktsına óndirisi týraly aıtatyn bolsaq, onda OtarBioPharm zaýytynyń birinshi kezeginiń qurylysy aıaqtalǵanyn bilesizder. Onda indetke qarsy vaktsına shyǵarylyp jatyr. Atap aıtqanda, ony otandyq ǵalymdar daıarlady», - dedi vıtse-mınıstr.