Qaraǵandy oblysynda shahtadaǵy órtten 11 adam mert boldy

<p>Búgin Kostenko atyndaǵy shahtada órt bolyp, 11 adam kóz jumdy, ártúrli dárejedegi jaraqattarmen aýrýhanaǵa 18 adam jetkizildi, dep habarlaıdy Kazinform.</p>

Qaıǵyly oqıǵa jaıly Qaraǵandy oblysynyń ákimi Ermaǵanbet Bólekpaev áleýmettik jelilerdegi paraqshasynda habarlady.

Apat kezinde shahtada 252 adam boldy, jer betine 205 shahter shyǵaryldy.

"Shahtaǵa kelgen sátten bastap meniń basshylyǵymmen jedel shtab quryldy, onyń quramyna jaýapty adamdar men áriptesterim kirdi. Oqıǵa ornynda 40 qutqarýshy, 10 birlik tehnıka jáne qaza tapqandar men zardap shekkenderdiń týystaryna kómek kórsetetin 3 psıholog jumys isteýde. Senim telefondary jumys isteıdi: (8-7172) 49-72-70, (8-7212) 51-72-23. Qaza tapqan kenshilerdiń týystary men jaqyndaryna kóńil aıtamyn. Biz sizdermen birge bolamyz jáne osy qıyn kúnderde sizderdi qoldaımyz", - dep jazdy aımaq basshysy.

Foto: Ermaǵanbet Bólekpaevtyń Feısbýktegi paraqshasynan