Qaraǵandy oblysynda shahtada kenshi qaza tapty
12:13, 12 Naýryz 2024
<p>Qaraǵandy oblysyndaǵy «Saran» shahtasynda 43 jastaǵy kenshi kóz jumdy. Ol qurylǵyny montajdaý kezinde aýyr jaraqat alyp, saldarynan qaıtys bolǵan, dep habarlaıdy Kazinform tilshisi.</p>
«Qarmet» baspasóz qyzmeti habarlaǵandaı, osy jyldyń 12 naýryzy kúni túnde kompanııanyń Kómir departamentine qarasty «Saran» shahtasynda montajdaý jumysynyń arnaıy jabdyqty jóndeý kezinde 1980 jyly týǵan taý-ken jumysshysy jaraqat alyp, sonyń saldarynan qaza tapqanyn habarlady.
«Jumys ZY7200-13/30 sektsııasyn qurastyrý jáne montajdaý jónindegi jobasyna sáıkes boldy, ol kezde qaýipsizdik tehnıkasy boıynsha mindetti nusqaý berilgen. Bolǵan jazataıym oqıǵanyń sebebin anyqtaý úshin arnaıy komıssııa jumys júrgizedi. Aldyn ala málimetter boıynsha, jabdyqty bekitý bolty úzilip ketken», - dep málimdedi kompanııanyń baspasóz qyzmeti.
«Qarmet» AQ ókilderi marqumnyń týystary men jaqyndaryna kóńil aıtady.